Espectáculos en Pontevedra

Ciclo Voices - The Divine Comedy presenta Foreverland

0 votos
Ciclo Voices - The Divine Comedy presenta Foreverland
Ciclo Voices - The Divine Comedy presenta Foreverland

Pazo da Cultura

Alexandre Bóveda, s/n 36005 - Pontevedra

Teléfono: 986 83 30 61
Web oficial
15 de Septiembre de 2017
Horario: 20:30

The Divine Comedy, banda británica liderada por Neil Hannon, confírmase como a primeira e atrainte proposta centrada nunha voz masculina do ciclo Voices cun concerto no pontevedrés Pazo da Cultura o venres 15 de setembro.

Tras seis longos anos de espera, un dos compositores máis singulares e aclamados do pop británico volve á carga con Foreverland, úndecimo álbum de The Divine Comedy formado por 11 cancións ostentosamente melódicas, liricamente audaces e suntuosamente arranxadas que nos falan das relacións humanas cotiás. "Tal vez esta sexa a miña fase imperial" di Neil Hannon cando fala dun álbum que trata a vida ordinaria cun acompañamento musical extraordinario.

Nado en Derry, Irlanda do Norte, en 1970 e fillo dun bispo da igrexa de Irlanda, Neil Hannon recoñece con bo humor "unhas orixes que posiblemente non son as máis habituais para unha estrela do pop". Fundador e único membro permanente de The Divine Comedy, acadou a fama durante o auxe do Britpop dos noventa cunha fusión lixeiramente absurda de estilos musicais arcaicos, melodías cativantes e letras audazmente enxeñosas. En dúas décadas, dez discos publicou The Divine Comedy entre Comic Muse (1990) e Bang goes the Knighthood (2010). Os últimos seis anos, sen embargo, Neil Hannon dedicouse a explorar outras vías, chegando a compoñer In May, unha breve pero vigorosa ópera de cámara confeccionada a partir dos textos do dramaturgo alemán Frank Alva Buecheler, ou unha obra para órgano nada como froito do encargo do londinense Royal Festival Hall para estrear en 2014 o seu restaurado órgano e que Neil Hannon dedicó ao seu pai, que sufre Alzheimer, titulándoa To our Fathers in Distress. Neil Hannon también publicou durante este período dous álbums baixo o nome The Duckworth Lewis Method en colaboración co seu amigo Thomas Walsh da banda irlandesa Pugwash.

Entradas á venda en Ataquilla.com a un prezo de 20€+ gastos e de non esgotarse, dúas horas antes do inicio do concerto na propia billeteira do Auditorio.
Compartir en Twitter
Compartir en Facebook

Agenda de hoy

Bic in progre[s]

Bic in progre[s]

Café Teatro Vigo

Antón Alonso Ríos

Antón Alonso Ríos

Concello de Silleda

Andrés Suárez

Andrés Suárez

Casa del Libro de Vigo

Conferencia - Debate con Alexandra Fernández

Asociacion de Veciños Vilar-As Fontes

Sorteo super cesta de agasallos

Sorteo super cesta de agasallos

Galerías de Gran Vía

VI Mercadillo Solidario por la Esclerosis Múltiple

VI Mercadillo Solidario por la Esclerosis Múltiple

Asociación Viguesa de Esclerosis Múltiple de Pontevedra

Pilates En Grupo

Pilates En Grupo

Ceip - Poio

Exposición-Óleo

Pau Marcell: Sala de Exposiciones SAMDRA

Cursos de Iniciación Formación Musical

Concello de Vigo - VigoSónico

Prev
Next
Encuentra los eventos de