Exposiciones en Pontevedra

Emporium. Mil anos de comercio en Vigo

0 votos
Emporium. Mil anos de comercio en Vigo
Emporium. Mil anos de comercio en Vigo

VERBUM

Avenida de Samil, 17 36212 - Vigo

Teléfono: 986 240 130
Web oficial
del 29 de Junio de 2016 al 28 de Mayo de 2017
Xeral: 3,10 € - Reducida: 1 € nenos/as 8 a 14 anos; titulares carnet xove/estudante; visitas centros docentes; pensionistas; discapacitados e parados; familias numerosas e grupos 10 ou máis membros
Horario: Inauguración (29-06-16): 12:00 h - RESTO PERÍODO EXPOSITIVO: Martes a sábado: 17:00 h a 20:00 h – Sábados, domingos e festivos: 12:00 h a 14:00 h – Luns pechado (incluído festivos)

Este mércores 29 de xuño, ás 12:00 h, inaugúrase no Verbum-Casa das Palabras (avda. de Samil, 17) a exposición "Emporium. Mil anos de comercio en Vigo", unha produción da Concellería de Cultura, a través da Rede de Museos Municipais, comisariada por Adolfo Fernández e Pilar Barciela.

"Emporium" presenta mil anos de relacións comerciais de Vigo desde a Prehistoria ata a chegada dos árabes á Península. Mil anos nos que Vigo xoga un papel destacado na comunicación marítima do noroeste peninsular co resto do mundo coñecido, con momentos nos que foi o único enclave comercial en activo. Este aspecto do noso pasado, ata agora máis intuído que demostrado, ten á luz dos resultados das últimas investigacións arqueolóxicas, unha razón de ser.

"Emporium" artella o seu relato, de xeito sinxelo e didáctico, mediante máis de 200 obxectos arqueolóxicos, restaurados e documentados expresamente para a exposición, moitos dos cales se expoñen por vez primeira ao público. Pezas procedentes na súa gran maioría do Museo Municipal de Vigo "Quiñones de León", con achegas puntuais doutros museos e institucións de Galicia e norte de Portugal, entre as que destacan algunhas de gran valor histórico como os cipos do Castro da Illa de Toralla, que permiten documentar a presenza de comerciantes feniciopúnicos na ría de Vigo arredor do século V. a. C.; a espectacular crátera romana da villa de Toralla (s. IV d. C.) reconstruída para a exposición e atopada no depósito vigués aínda que probablemente fabricada en Braga; ou a cruz paleocristiana (s. VII d. C.) da que un pequeno fragmento testemuña polo seu material, ouro, e a súa factura, ser doazón dun alto eclesiástico visigodo á igrexa que no Areal daba servizo aos fieis de Vigo, un dos máis importantes puntos do comercio marítimo do momento.

Recursos técnicos e museográficos complementarios permitirán achegarnos aos contextos nos que estas pezas se produciron e tiveron pleno significado. "Emporium" presenta con este fin unha peza audiovisual única que a ninguén deixará indiferente porque, de xeito virtual, vainos levar ao Vigo deses mil anos de comercio.



A exposición permanecerá aberta ao público ata o 28 de maio de 2017.
Compartir en Twitter
Compartir en Facebook

Otros eventos relacionados

ALT'11

Exposiciones

ALT'11 "La medusa parlante"

Lugar: AUDITORIO MUNICIPAL. - Vigo

Fecha: Todo el año

O Departamento de Comunicación [leer +]
Un lugar para facer

Exposiciones

Un lugar para facer

Lugar: Museo Contemporáneo de Vigo (MARCO) - Vigo

Fecha: del 22 de Abril de 2017 al 1 de Marzo de 2018

O Departamento de Comunicación [leer +]
Encuentra los eventos de