Lunes, 20 Mayo 2019

Charlas y Conferencias en Pontevedra

Festival Primavera do Cine - O método Morris

0 votos
Festival Primavera do Cine - O método Morris
Festival Primavera do Cine - O método Morris

Auditorio do Concello

Plaza del Rey, S/N 36202 - Vigo

Web oficial
4 de Mayo de 2019
Todos os interesados en acudir ao seminario-charla do sábado 4 de maio, poden inscribirse a través da web por tan só 10 euros, sen dúbida unha moi boa oportunidade para coñecer os segredos do actor. http://primaveradocine.com/seminario-interpretacion-morris/
Horario: de 11.00 a 13.00

O Festival Primavera do Cine trae O método Morris, un seminario-charla de interpretación autodidacta impartida polo actor vigués

A charla impartida por Morris terá lugar o sábado 4 de maio no Auditorio do Concello de 11.00 a 13.00

A través de O Método Morris, o actor tratará de explicar o seu método de "actuación autodidacta", unha forma xenuína de facerse co control de cada personaxe

Antonio Durán "Morris" é un dos actores máis emblemáticos do panorama audiovisual galego e xa recibiu a Mención Honorífica do Festival Primavera do Cine en 2017

Morris é sen dúbida un dos actores máis recoñecidos e recoñecibles dentro do mundo da interpretación en Galicia. Son moitos os que o lembran dos seus papeis en series tan populares como Pratos Combinados (1995 – 2006) ou Padre Casares (2008 – 2015), pero Antonio Durán é máis, moito máis. Ao longo dos seus máis de 30 anos de experiencia interpretativa, Morris participou en máis de 25 longametraxes, máis de 20 obras de teatro, centos de capítulos en series de televisión dentro e fóra de Galicia (Fariña, El ministerio del Tiempo, O final do Camiño, Los Serrano...) e estivo nomeado ata en 17 ocasións aos Premios Mestre Mateo nos que conseguiu 5 figuras.

Toda esa experiencia é a que pretende ofrecer nunha charla de interpretación moi especial que levará a cabo o sábado 4 de maio de 11.00 a 13.00 no Auditorio do Concello como parte das actividades do Festival Primavera do Cine, que comeza coa sección oficial o 30 de abril e remata o 5 de maio.

O nome escollido é: O método Morris e ao longo de dúas horas, o actor tentará desentrañar os segredos do que el mesmo chama "actuación autodidacta", unha forma totalmente orixinal e xenuína de involucrarse en cada personaxe ata facelo seu, creado tras máis de tres décadas vinculado á interpretación. Ademais, tamén falará das experiencias que viviu dende dentro do audiovisual galego así como da súa evolución como actor.

INCANSABLE MORRIS

Con apenas 20 anos, Morris subiuse a un escenario e xa nunca parou de actuar. A súa traxectoria levoulle a ser un alicerce fundamental nas montaxes teatrais do Centro Dramático Galego e da Compañía Artello interpretando personaxes de Shakespeare ou de Molière.

No cinema debutou en Continental (1990) de Xavier Villaverde e traballou baixo a dirección de Fernando León de Aranoa, Icíar Bollaín, Daniel Calparsoro, Ángel de la Cruz ou Ignacio Vilar, co que deu vida ao Milhomes de A Esmorga, un dos seus papeis máis lembrados.

E é que quizais esa sexa a característica principal de Morris, que nunca parou de traballar e de participar en grandes producións, pero tamén nalgunhas máis modestas como Dhogs que lle valeu o seu último Premio Mestre Mateo en 2017.


PRIMAVERA DO CINE E MORRIS

O Festival Primavera do Cine xa recoñeceu o inxente labor de Morris en 2017 outorgándolle a Mención Honorífica. O actor sempre defendeu a necesidade de que exista un festival de cine en Vigo e decidiu sumarse a el ao igual que fixeron o director Álvaro Gago e o director de animación, ilustrador e debuxante de cómics Alberto Vázquez.
Compartir en Twitter
Compartir en Facebook

Otros eventos relacionados

Encuentra los eventos de