Caravana de poesía en New York con marca galega
Nova edición do Kerouac co vigués Marcos de la Fuente e a galega María Medín Doce
Nunha pasada edición do Festival Kerouac en New York, o vigués Marcos de la Fuente resaltaba: “Los poetas son poderosos”. Para que esa forza prosiga, o autor e organizador do certame lanza con Vanesa Álvarez unha nova edición da cita que comezou onte na metrópole norteamericana e que incluirá unha caravana de creadores declamando pola cidade. Ata o domingo, se poderán escoitar as voces literarias de escritores chegados de diferentes puntos, incluída a da galega María Medín Doce.
Nun inicio, estaba convidada tamén a viguesa Oriana Méndez pero ao final non puido acudir, segundo informou a organización.
No comezo desta oitava edición do Festival Kerouac o punto de encontro foi onte o Bowery Poetry Club coa noite do micro aberto. Ao peche desta edición, estaba previsto que declamaran Medín doce, o vasco Kirmen Uribe coa pianista Nerea Arrieta; e Bob Holman, fundador do Bowery Club.
Bob actuara nunha edición anterior en Vigo e segundo De la Fuente é “unha figura perenne na escena neoiorquina”.
Para hoxe xoves, o programa traslada os actos ao xardín do Instituto Cervantes cos madrileños Oscar Curieses e Pablo Ramírez, mailo artista vasco Balu e o poeta mexicano Martín Rangel.
Tamén hoxe De la Fuente revisitará o libro “Poeta en Nueva York” de Lorca, co presidente da academia de poetas americanos, Ricardo Maldonado; Arantxa Araujo (performer) e o guitarrista Aldo Pérez. “Trátase dun proxecto de poesía expandida e visuais” que inclúe instalacións das artistas visuais Vanesa Álvarez e Leandro Comrei, engade.
Promete moito tamén a xornada do venres coa música como protagonista coa palabra da poeta afrolatina Mercy Tullis, a neoiorquina Puma Peri, o saxofonista de free jazz Devin Brahja e amúsica o poeta sonoro Martín Rangel, os vascos Anonyme Popular e o músico David Amram, amigo de Jack Kerouac.
O domingo será un día especial tamén cunha acción singular, a caravana de poetas que percorrerá a cidade dende a Washington Square Park ata Central Park a declamar co altofalante na man.
Nas paradas previstas, realizarán lecturas improvisadas, segundo informou a organización.
- Una empresaria de Baiona pierde su casa y su patrimonio millonario por una multa
- Así fue como Andreita, la hija de Belén Esteban, ayudó a los Mozos de Arousa a llevarse la victoria en 'Reacción en cadena
- “Yo lo que quería era pagar la multa para no perderlo todo pero me engañaron”
- El rey emérito disfruta de una mariscada de tres horas y media en O Grove
- Un coche en sentido contrario provoca dos accidentes en la VG-20 en Vigo
- El casoplón de tres plantas con terraza en pleno corazón de Vigo: la vivienda de 5 habitaciones de venta en Camelias
- 404 Not Found
- Una aseguradora compensará a un vigués tras declarar siniestro total un coche que se podía reparar